Opdracht

Servicio significa cu un hende of un negoshi ta haci trabao pa bo. Ta existi diferente sorto di servicio, pero mayoria tin e siguiente caracteristica:

• Bo no por mishi cu e servicio.
• Cada bes cu bo haci uso di un servicio e ta diferente un di e otro, pasobra entre otro comunicacion entre e negoshi cu cliente ta dificil pa haci cada bes mescos.
• Bo no por crea un suministro.

Servicio ta regla den nos Codigo Civil Buki 7 articulo 400 te cu 468, incluyendo entre otro servicio medico. Dependiendo di e servicio ley ta wak e resultado of e esfuerso. Tin biaha bo ta paga un servicio pa haya un resultado y otro biaha bo ta paga pa un servicio pa e esfuerso cu e negoshi (of persona) ta haci pa completa e trabao. Ehempel di dunado di servicio ta garashi, verfdo, carpinte, plumber y handyman.

Tin biaha bo ta paga pa un servicio pero no cu e meta pa haya un resultado, pero e esfuerso cu e servicio ta inclui. Un ehempel di un servicio asina ta esun di abogado. Un abogado mester haci su trabao miho posibel. Esey ta por ehempel un deber di esfuerso.

Otro biaha bo ta paga pa un servicio pa e resultado, manera cerca un carpinte. Bo ta haci palabracion cu e carpinte riba e trabao cu e ta bay haci pa bo y cuanto e ta bay costa. Segun ley ora ta trata trabao cu resultado e dunado di servicio tin un deber di duna bo un resultado garantisa (“resultaatsverplichting”). Esaki significa cu nan ta obliga pa percura un bon resultado final. Si bo no ta satisfecho cu e trabao, bo mag di reclama cu e no a mantene su mes na e acuerdo.Si bo tuma un carpinte como ehempel e ta haci algo pa bo, pero bo no ta su doño di trabao. Bo ta haci palabracionnan cu e carpinte riba e trabao cu e ta bay haci pa bo. Tambe cuanto bo ta bay paguele.

Segun ley e carpinte tin un deber di duna bo un resultado garantisa ("resultaatsverplichting"). Esaki significa cu nan ta obliga pa percura un bon resultado final. Si bo no ta satisfecho cu e trabao, bo mag di reclama e carpinte cu e no a mantene su mes na e acuerdo.

Bo kier puntra un dunado di servicio pa e haci trabao pa abo? Haci acuerdonan cla cu e dunado di servicio, manera e contenido di e trabao y e prijs. Miho bo haci esaki por escrito. Asina bo por controla despues si e dunado di servicio a mantene su mes na e acuerdo. Scirbi por ehempel exactamente loke e garashi ta bay drecha. Bo por puntra tambe si e dunado di servicio por priminti cierto resultado.