Servicio

Servicio di Huur

Dienst Huur- en Consumentenzaken ta ofrece conseho riba e siguiente topiconan pa e inkilino y doño di cas:

• informacion general relaciona cu asunto di huur y di consumido;
• intermediacion pa asunto di huur y consumido;
• conseho huridico riba asunto di huur y consumido;
• sosten administrativo pa servicionan di huurcommissie manera peticion pa terminacion di huur, peticion pa configuracion di prijs di huur y peticion pa permiso pa aumento di prijs di huur.

Pa servicionan di terminacion di huur, configuracion di prijs y permiso pa aumento di prijs di huur mester trece un identificacion valido y informacion relevante pa e caso esta nomber, fam y adres correcto di tanto e inkilino como doño di cas.

Servicio di Consumido

Atende y registra keho

Dienst Huur- en Consumentenzaken ta atende y registra casonan di keho di consumidor. Tur caso cu keda registra ta yuda Gobierno tene un mihor supervision riba inkietudnan di e consumidor.

Registracion di kehonan di consumidor lo yuda nos:

• Ta conciente di asunto of inkietudnan cu ta toca e consumidor;
• Sigui desaroyo di casonan cu ta toca e consumidor;
• Ta na altura di negoshinan cu no ta cumpli cu ley di proteccion di consumidor pa asina prepara formanan pa atende esaki;
• Supervisa profundamente cierto segmentonan den mercado cu ta mustra di ta desaroyando negativamente;
• A base di analyses di e registracionnan sa cua areanan di ley mester mas informacion den prensa.

Ademas di consumidornan, Dienst Huur- en Consumentenzaken ta ofrece su servicionan na negoshi pa informacion general, conseho of guia.

Si acaso e consumido haya su mes den problema of conflicto cu un negoshi pa motibo di por ehempel un producto defecto of incumplimiento di servicio, esun cu posicion mas debil ta e consumido. Pues, e consumido kende tin acceso mas dificil na asistencia legal tin mas di perde cu e negoshi cual hopi biaha tin un hurista den servicio of acceso mas lihe na servicio di un abogado. Pues, keho di consumido por causa hopi frustracion si acaso e negoshi nenga di duna cooperacion den e proceso stipula pa ley.

Servicio Huridico

Dienst Huur- en Consumentenzaken ta convenci, a base di experiencia cu tratamento di kehonan di consumido, cu un grupo grandi di ciudadano no ta gosa di acceso lihe na nos sistema legal. Pa e motibo aki ta parce cu ta existi acceso desigual na husticia den caso di derecho di consumido. E posibel buraco den nos sistema legal aki ta haci cu e ciudadano comun y coriente tin biaha no por yega na su derecho optimalmente. Nos sistema legal ta ofrece poco opcion pa soluciona conflicto legal cu no ta via corte.

Ademas di esaki, e proceso cu e consumido mester cana pa yega na su derecho hopi biaha no ta duidelijk pa tur consumido. Ademas cu e caminda ta largo y dificil pa e consumido comun y coriente, e consumido no ta compronde mucho bon loke e tin di haci pa yega na su derecho. Den esaki, Dienst Huur- en Consumentenzaken por mustra e consumido paso a paso ki caminda pa cana pa yega na su derecho y ofrece posibel herment cu por yuda soluciona e conflicto. Nos servicionan huridico ta yuda cera e buraco den proteccion di consumido un tiki. E servicionan aki ta encera:

• Intermediacion;
• Conseho huridico;
• Evaluacion di documentonan legal tanto pa e consumido como pa e negoshi y
• Asistencia cu documentonan legal manera carta di keho.

Dienst Huur- en Consumentenzaken ta brinda principalmente ayudo huridico di prome grado cual ta enfoca riba servicio preventivo, diagnostico y atendimiento di conflicto. Esaki ta encera duna informacion, conscientisacion riba derecho, posicion huridico y posibel consecuencianan, duna conseho, pero tambe skirbi carta den nomber di e cliente. Den e casonan cu presenta tambe por haci intermediacion den conflicto y representacion pafo di corte. Si acaso e cliente tin un problema mas compleho, e lo por acudi cerca Directie Sociale Zaken seccion di asistencia huridico (Abogado Liber).

Bentaha di uzo di servicionan huridico di Dienst Huur- en Consumentenzaken ta:

• Ta duna conseho gratis sin consideracion di e forsa financiero di e cliente;
• E trabao ta wordo haci door di hurista;
• Dienst Huur- en Consumentenzaken ta accesibel pa publico general y
• Casonan ta wordo evalua y registra.